Жогорку Кеңештин депутаттары бүгүн, 10-январда Эмил Жамгырчиевди жоопкерчиликке тартууга макулдук берди.
Комиссиянын төрагасы Алишер Эрбаев бир нече отурум өткөнүн, Жамгырчиевди жоопко тартууга байланышкан бир катар материалдар каралганын, тиешелүү тараптардын билдирүүлөрү угулганын маалымдады.
Каттоодон өткөн 81 депуттаттын 69у макул добушун берди. Каршы добуш бергендер болгон жок.
Башкы прокуратура 27-декабрда депутат Эмил Жамгырчиевди кылмыш жообуна тартуу үчүн Жогорку Кеңештин макулдугун сураган жана парламентте убактылуу комиссия түзүлгөн.
Депутат Кылмыш-жаза кодексинин 378-беренесинин 1-бөлүгү (мамлекеттик чек арадан мыйзамсыз өтүү) менен айыпталып жатат.
