Бүгүн, 15-июнда Жогорку Кеңештин жалпы жыйынында депутат Бактыбек Чойбеков өлкөдөгү мечиттерди социалдык объектилердин тизмесине киргизүүнү сунуштады.
Анын айтымында, мечиттерди бардык эле айыл өкмөттөр каржылай албайт жана бул элдин суранычы экендигин белгиледи.
«Республика боюнча мечиттер социалдык объектилердин тизмесине кирбей калган. Диний мекемелерди колдоого айыл өкмөттүн акчасы жетпейт. Мечиттерди социалдык объектилерге киргизип, аларга жардам көрсөтсөк жакшы болмок», – деди ал.
