Жогорку Кеңештин депутаты болуп шайланып келген Кубанычбек Самаков парламенттин бүгүн, 27-сентябрдагы жыйынында ант берип, кызматына киришти.
Борбордук шайлоо комиссиясы 20-сентябрда №26 Ленин округунда өткөн парламенттик кайра шайлоону таанып, Кубанычбек Самаковго депутаттык мандат берген.
Кубанычбек Самаков парламенттеги «Элдик» депутаттык тобуна кирди.
Эске салсак, аталган округда 10-сентябрда кайра шайлоо өткөн. Анда 24 талапкердин ичинен эң көп добушту Самаков алган.
