Жогорку Кеңеш 26-декабрдагы жыйынында Үй-бүлө кодексине жана “Жарандык абалдын актылары жөнүндө” мыйзамга өзгөртүүлөрдү киргизүүнү биринчи окууда колдоду.
Мыйзам долбоорунун максаты, аты-жөндү нукура кыргызча атоону киргизүү.
Долбоордун демилгечилеринин бири депутат Мирлан Самыйкожонун айтымында, фамилия менен атасынын атынын азыркы жазылышы сакталат.
-ов, ев, -вич, -вна деген толуктоолор кала берет, аларды жарандардын өздөрүнүн өтүнүчү боюнча гана өзгөртүүгө болот.
Мыйзам долбоорунда фамилиялардын жана атасынын ысымдарынын төмөнкү орфографиялык варианттарын толуктоо сунушталууда:
-чоң атасынын атынан фамилияны жазууда ата-эненин каалоосу менен баланын атасынын атына эркек балдар үчүн «уулу» деген сөз, кыз балдары үчүн «кызы» деген сөз кошулат;
-баланын атасынын атына «теги» деген сөздү кошуу менен чоң атасынын атынан фамилия жазууда ата-энесинин каалоосу менен эркек балдарга «уулу» деген сөз, ал эми кыз балага «кызы» деген сөз кошулат;
-чоң атасынын атынан фамилия жазууда “теги” деген сөздү кошуп жазууда эркек балдарга илик жөндөмөсүнүн мүчөсү “дын/тын”, “дин/тин”, “дүн/түн” уланып жазылат.
Ал эми кыз балдар үчүн атасынын атына уланып “дан/тан”, “ден/тен”, “дөн/төн” мүчөсү кошулуп жазылат.
Мисалы, Бактыбеков Үсөн Жакшылыкович деген фамилия жаңы сунушка ылайык, Бактыбек Үсөн же Бактыбек Үсөн Жакшылык уулу болот.
Аял киши Бактыбекова Нургүл Жакшылыковна деген атты Бактыбектеги Нургүл десе болот.
Учак кырсыктаган жерде издөө иштери аяктады
Учак кырсыктаган жерде издөө иштери аяктады Куткаруучу кызматтар Азербайджандын авиакомпаниясынын учагы кырсыктаган Актауга жакын жерде издөө иштерин аякташты. “Куткаруучу кызматтар издөө иштерин аякташты. 29 адам ооруканага жаткырылды, 38 адам учак кырсыгынан каза болду. Бардык жабыркагандарга зарыл изилдөөлөр жүргүзүлдү. Адамдардын абалы турукташкан соң, профилдер боюнча ооруканага жаткырылып, толук дарыланууда”,-деп айтылат Казакстандын […]
