Жамааттык коопсуздук келишим уюмуна (ЖККУ) мүчө өлкөлөр абадан коргонуунун бирдиктүү системасын түзүштү. Бул тууралуу Россиянын коргоо министри Сергей Шойгу «Москва. Кремль. Путин» эфиринде билдирди.
Анын айтымында, Россия ар бир өлкө менен келишим түзгөн. “Бирдиктүү абадан коргонуу системасы КМШда бар. Ал эми ЖККУда бул иш жүзүндө жасалган. Документ керек болсо, биз документтештиребиз. Бирок ЖККУга мүчө өлкөлөрдүн ар бири менен эки тараптуу келишимибиз бар”,-деди министр.
ЖККУга алты мамлекет – Армения, Беларусь, Казакстан, Кыргызстан, Россия жана Тажикстан кирет.
Соңку кабар