Түркиянын президенти Режеп Тайып Эрдоган жер титирөөдөн жабыркаган аймактарда жеке үйлөрдүн ачкыч тапшыруу аземине катышты.
«6-февралдагы катуу жер титирөөдөн 15 күндөн кийин жаңы үйлөрдүн пайдубалы түптөлдү. Кырсык болгон аймакта бардыгы болуп 507 миң батир жана 143 миң жеке үй курулат. Алардын 319 миңи бир жылдын ичинде тапшырылат. 60 миң квартиранын пайдубалы түптөлдү. Бул иштер уланууда. Биздин милдет – жер титирөөдөн жабыркаган жарандарды тез арада бардык шарттары бар жаңы заманбап үйлөргө көчүрүү»,-деди президент.
Өлкө башчысы жаңы ээлерине ачкычтарды тапшырып, жер титирөөдөн жабыркаган жарандарга колдоо ар тараптан уланаарына ишендирди.
Түркиянын түштүгүндө февраль айындагы катуу жер титирөөдөн көз жумгандардын саны 50 783 адамга жеткени белгилүү болду.
6-февралда Түркиянын түштүк-чыгышында күчү 7,7 жана 7,6 баллга жеткен эки жер титирөө болгон. Кыйратуучу жер титирөө Сирия, Ливан, Грек Кипр жана Ирак сыяктуу коңшу өлкөлөрдө да сезилген.
Вице-мэр кызматына 55 талапкер
Ош шаарынын вице – мэрлик орду бүгүнкү күнгө чейин бош турат. Кадр кызматынын Ош облустук бөлүмүнүн башчысы билдиргендей, Жасур Азимовдон бошогон орунга кадр кызматынын резервинде турган 55 талапкер бар. Калаа башчысы Бакытбек Жетигенов учурда такталып, тандалып жаткан талапкерлер бар экенин, ал кадр кызматынын резервинен келээрин билдирди. Бөлүшүү:
