Багыш айыл өкмөтүнүн Сафаровка айылынан Жалал-Абаддагы заманбап аэропорттун курулушуна 300 гектар жер тилкеси бөлүнүп берилди.
Айыл чарба министрлигинин балансында турган бул жерди өнөр жайына трансформация кылуу үчүн документтер топтолуп, корутундулар даярдалып, министрлер кабинетине жөнөтүлгөнүн облустун башчысы билдирди. Белгилүү болгондой, болжолдонгон жер тилкесин Манас Эл аралык аэропортуна өткөзүп берүү боюнча токтом долбоору даярдалып, өкмөттө кол коюуга жөнөтүлгөн.
Москва шаарынан келген адистер жерди текшерип, аныктап беришкен. Облус бийлиги 2024-жылдын 1-кварталында жаңы аэропорттун курулушун баштоону пландап жатат.
