Эл аралык футбол федерациясынын (ФИФА) президенти болуп кайрадан Жанни Инфантино шайланды. Руанданын борбор шаары Кигалиде өткөрүлгөн ФИФАнын 73-конгрессинде президенттик шайлоо өткөрүлдү.
Шайлоого жалгыз талапкер катары катышкан 52 жаштагы Жанни Инфантино 2027-жылга чейин дүйнөлүк футболдун кожоюну болгон ФИФА уюмун жетектейт.
Шайлоодон кийинки кыска ыраазычылык сөзүндө Инфантино: “ФИФАнын президенти болуу сыймык жана жоопкерчилик болуп саналат. Сиздердин колдооңуздар мени сыймыктандырды жана таасирлентти. Мени жакшы көргөндөр жана жек көргөндөр толтура, бирок мен баарыңарды жакшы көрөм”, -деди.
