Жалал-Абад шаары Түрк дүйнөсүнүн туризм борбору деп жарыяланды. Бул тууралуу Түрк мамлекеттер уюмунун башкы катчысы Кубанычбек Өмүралиев “Биринчи радиого” маегинде билдирди.
Кубанычбек Өмүралиев “Бүгүнкү күндө саммиттин Кыргызстанда өтүп жатканы жана анын темасы эле Кыргызстандын жана мамлекет жетекчилеринин түрк дүйнөсүнө болгон көз карашын айгинелейт. Ошондой эле саммитте транспорт жана логистика тармагы, Кытай – Кыргызстан – Өзбекстан темир жолу жана туризм тармагы боюнча да иш алып барылат. Эмки жылы Жалал-Абад шаары түрк дүйнөсүнүн туризм борбору болуп жарыяланды. Бул эски Жибек жолунун алкагында кабыл алынды. Бул чечим жаратылыш же бүгүнкү өзгөрүүлөргө карата эмес, тарыхый жана диний жактан да маанилүүлүгү менен кабыл алынды. Себеби Жалал-Абад Өзбекстандагы Самарканд, Бухара шаарларынан кийинки тарыхый жерлер бар чөлкөм. Мына ушуларды эске алуу менен кабыл алынган чечим болду”, – деп айтты.
Белгилей кетсек, 6-ноябрында Бишкек шаарында Түрк мамлекеттер уюмунун (ТМУ) кезектеги он биринчи Саммити өтөт.
Саммиттин ишине Уюмга мүчө беш мамлекеттин — Түркия Республикасынын, Азербайжан Республикасынын, Казакстан Республикасынын, Кыргыз Республикасынын жана Өзбекстан Республикасынын лидерлери, ошондой эле Уюмдун байкоочу өлкөлөрүнүн башчылары катышат.
Түндүк Корея баллистикалык ракеталарды учурду
Япониянын Коргоо министрлигинин маалыматы боюнча, Түндүк Корея бир жумада экинчи жолу баллистикалык ракета сыяктуу көрүнгөн нерселерди учурду. Алар Япония деңизи тарапты көздөй учкан. Кийинчерээк Япониянын коргоо министри Гэн Накатани Түндүк Корея узактыгы 400 чакырымга чейин жана учуу бийиктиги 100 чакырым болгон жок дегенде 7 баллистикалык ракета учурганын, баары Япониянын өзгөчө […]
