Жаза аткаруу кызматы Бишкектеги №1 тергөө абагындагылардын массалык түрдө сабалышы, ачкачылык жарыялоо жана адвокаттар менен укук коргоо уюмдарынын ишине тоскоолдуктар болуп жатканы тууралуу маалыматтарды четке кагууда.
Мекемеден билдиришкендей, тергөө абагындагы бардык айыпталгандар жана соттолгондор ички тартипти сактоого, тазалыкты сактоого, сырткы келбетине көз салууга жана мекеменин кызматкерлеринин мыйзамдуу талаптарын аткарууга милдеттүү.
«2024-жылдын 20-декабрынан бери СИЗО-1ге 289 жактоочу келди, алардын 12си бир күндө, 21-декабрда келишти. СИЗОну Кыйноолорду алдын алуу боюнча улуттук борбордун жана Акыйкатчы институтунун кызматкерлери да текшеришти. «Кийинчерээк кайра чакыртып алынган эки арызды кошпогондо, мыйзам бузуулар катталган жок», — деп айтылат маалыматта.
Жаза аткаруу кызматынын маалыматына караганда, учурда Темирлан Султанбеков гана ачкачылык кармап жатат.
Бүгүн, 25-декабрда парламентте да бул маселе көтөрүлүп, депутаттар тергөө абагында чындап эле мыйзам бузуулар, уруп-сабоолор болуп жатабы, текшерип, маалымат берүүнү талап кылышты.
Дания Гренландияны коргоону күчтөндүрөт. Трамп аймакты аларын айтып чыкты
АКШнын шайланган президенти Дональд Трамп бул Арктика аймагын сатып алууга кызыгуу билдиргенден бир нече саат өткөн соң Дания өкмөтү Гренландиянын коргоосуна чоң суммадагы каражат бөлүнөрүн жарыялады. Даниянын коргоо министри Троэльс Лунд Поульсен пакеттин суммасы аз дегенде 1,5 миллиард долларды түзөрүн билдирди. Буга чейин Трамп бул чоң аралга ээ болуу жана […]
