Еревандын тургундары Армения өкмөтүнүн имаратынын алдында нааразылык акциясын өткөрүшкөнүн маалымат каражаттары жазып чыгышты.
Митингчилер Никол Пашиняндын өкмөтүнө каршы ураандарды кыйкырып, андан Тоолуу Карабактагы кырдаалга кийлигишүүнү жана аймактагы армян калкын азербайжандык аскерлердин аткылоосунан коргоону талап кылышууда. Өкмөт үйү полиция тарабынан курчоого алынган.
19-сентябрда түштөн кийин Азербайжан Тоолуу Карабакта антитеррордук чараларды жарыялап, Степанакертти аткылай баштады. Баку аскерий объектилер гана аткыланып жатканын ырастоодо.
