«Ысык-Көл» эл аралык аэропортунда күн мурун Екатеринбург-Ысык-Көл-Екатеринбург багыты боюнча биринчи каттамды суу аркасы менен салтанаттуу тосуп алынды. Бул тууралуу «Манас» аэропортунун басма сөз кызматынан билдиришти.
Маалыматка ылайык, россиялык «Урал аба жолдору» авиакомпаниясы бул каттам боюнча жумасына 2 жолу — дүйшөмбү жана бейшемби күндөрү үзгүлтүксүз каттам аткарууну максат кылууда.
Биринчи каттам менен Екатеринбургдан 82 жүргүнчү учуп келип, Ысык-Көлдөн 62 жүргүнчү учуп кетти.
«Манас» аэропорту аталган каттамга байланыштуу бардык суроолор боюнча авиакомпанияга түз кайрылууну сунуштайт.
