9-июнда Европа парламентине шайлоо аяктады. ЕБдин 360 миллион жараны 720 депутатты тандашты. Шайлоонун акыркы күнүндө участоктор ЕБнин 21 өлкөсүндө ачылган. Италия борбордук европа убактысы боюнча 23:00до жабылган акыркы мамлекет болду. Европа элдик партиясы (ЕЭП) алдын ала божомолдор боюнча 184 мандат алып, биринчи орунду ээледи.
Экинчи орунду Прогрессивдүү социалисттер жана демократтар альянсы 139 орун менен ээлейт. Либералдык бирикме «Европаны жаңылоо» 80 мандат алат. Европа консерваторлор жана реформаторлор 73 орунга ээ болот, ал эми оңчул улутчулар «Иденттүүлүк жана демократия» бирикмеси 58 орун алат.
«Жашылдар»/Европа эркин альянсы 52 мандат алат. Европалык бириккен солчулар/Түндүктүн сол жашылдары 36 орунга ээ болот. Дагы 45 орун фракцияга кирбеген депутаттарга тиешелүү. Ал эми 53 мандат жаңы шайланган депутаттарга тиешелүү болот, алар мурдагы саясий топтор менен эч байланышы жоктор.
Токтогон Алтыбасарованын Ысык-Көлдө эстелиги ачылды
Ысык-Көлдө Улуу Ата Мекендик согуш жылдарында блокадага кабылган Ленинграддан 150 баланы асырап алган Токтогон Алтыбасарованын эстелиги ачылды. Түп районундагы Ак-Булуң айылында өткөн иш-чаранын башталышы Токтогон Алтыбасарованын эстелигине гүлчамбар коюу жана бир мүнөт унчукпай туруу менен ачылды. Иш-чараны өткөрүүгө Россиянын элчилиги, Коргоо министрлиги, Бишкек жана Кыргызстандын епархиясы колдоо көрсөткөн. Биргелешип уюштурууга […]
