Reuters маалыматы боюнча, Борбордук Европанын көптөгөн аймактарын каптаган суу ташкыны 21ден кем эмес адамдын өмүрүн алды.
Румыниядан Польшага чейинки аймактарды кыйраткан суу ташкыны катуу зыян келтирди. Чехия менен Польшанын чек арасындагы аймактар дем алыш күндөрү өзгөчө жабыркады. Жээктеринен ашкан дарыялар тарыхый шаарларды талкалап, көпүрөлөрдү кыйратып, үйлөрдү жок кылды.
Румынияда аба ырайынын кесепетинен жети адам каза болду. Мындан тышкары, Польшада алты адам, Австрияда беш адам көз жумду. Чехияда суу ташкынынын үч курмандыгы бар.
Чехия менен Польшанын он миңдеген үйлөрү дагы эле электр жарыгы жана таза сууга жеткиликсиз бойдон калууда.
Венгрияда, Будапешттин түндүгүндөгү Вишеград жана Сентендре шаарларында бийлик Дунай дарыясынын ташкындыгына даярданып, мобилдик тосмолорду орнотушту. Дунайдын суусу рекорддук деңгээлге жетет деп күтүлүп, Будапешттеги эс алуу аймагы болгон Маргит аралы, мейманканалар жана ресторандар жайгашкан жай убактылуу жабылды.
Балбак Түлөбаев өкмөткө нааразы
Жогорку Кеңештин депутаты Балбак Түлөбаев бүгүн, 18-сентябрда парламенттин жалпы жыйынында өкмөткө нааразы болгон жагдайларын айтты. “Ысык-Көл облусунун генералдык планы менен генералдык схемасы иштелип чыгып, бирок, 3 жылдан бери бүтө элек. Ак -Суу, Тоң, Ысык-Көл райондоруна президентибиз инвестиция тартып келүүдө бирок, генералдык план жок алар кантип ишке ашат? Жерлер, жайыттар чаржайыт […]
