Евробиримдик Украинага 13 миллиард евролук курал-жарак жеткирип, 16 миңден ашуун украин аскерин машыктырганын Евробиримдиктин тышкы саясат кызматынын башчысы Жозеп Боррелль билдирди. Ал Украинага миңден ашуун ракета жана ок-дарылар берилгенин айтты.
“Евробиримдик Киевге жалпы суммасы 1 миллиард еврого ок-дарыларды жана ракеталарды жеткирүү убадасын аткарууну улантып жатат. Украин армиясын окутуунун максаты алардын санын 30 миңге жеткирүү”,-деп кошумчалады ал.
Европалык дипломатиянын башчысы Украина жаңжалын жөнгө салуу боюнча Кытай менен Бразилиянын идеяларына комментарий берип, жаңжалдын эки тарабы тең согуштук аракеттерди токтоткусу келбей турганын билдирди. “Украина менен Россияны бирдей деңгээлге коюуга болбойт. Ошондуктан биз Украинага колдоо көрсөтүп, азыр танктарды, абадан коргонуу күчтөрүн, жада калса согуштук учактарды берип жатабыз”,-деди.
Жарандык авиация агенттигинин директору алмашты
Министрлер кабинетине караштуу Жарандык авиация мамлекеттик агенттигинин директору алмашты. Бул тууралуу президенттин басма сөз кызматынан кабарлашты. Маалыматта ылайык, Жарандык авиация мамлекеттик агенттигинин директору Настаев Александр Иванович ээлеген кызматынан бошотулуп, анын ордуна Данияр Куватбекович Бостонов Жарандык авиация мамлекеттик агенттигинин директору болуп дайындалды. Тиешелүү тескемелерге президент Садыр Жапаров кол койгон. Бөлүшүү:
