Евробиримдик Россияга каршы 12-экономикалык санкция пакетин кабыл алды. Анда алмаздын импортуна тыюу салуу жана Россия Федерациясына айрым товарларды жана технологияларды реэкспорттоого чектөө киргизилет.
Санкциялардын жаңы пакети Россиядан алмаз ташып келүүгө, сатып алууга жана берүүгө тыюу салууну камтыйт. Бул чара 2024-жылдын 1-январынан тарта россиялык өндүрүштүк эмес табигый жана синтетикалык алмаздарга, ошондой эле алмаз зер буюмдарына тиешелүү.
2024-жылдын 1-мартынан 1-сентябрына чейин Евробиримдик акырындык менен россиялык алмаздарды үчүнчү өлкөлөрдө кайра иштетүүдө, бриллианттар менен зер буюмдарды алып кирүүгө тыюу салат.
