Евробиримдик Кыргызстанга 3 млн евро берди

Автор

Европа Биримдиги Кыргызстандагы санариптик трансформация тармагындагы бюджетти колдоо үчүн КР министрлер кабинетине 3 млн евро (295 млн сом) которду. Бул тууралуу Финансы министрлигинен билдиришти.
Маалыматка ылайык, аталган гранттык каражаттар төмөнкү иштерге жумшалат:
Жогорку технологиялар паркындагы санариптик компетенциялар боюнча инновациялык борбордун ишин жеңилдетүү үчүн;
өлкөнүн бардык аймактарында Санарип-Аймак системасын илгерилетүүгө;
калкка электрондук кызматтарды көрсөтүү жана өлкөнүн киберкоопсуздугун жогорулатуу үчүн.
Аталган каражат бюджеттик колдоо программалык камсыздоону иштеп чыгууга жана тармактык министрликтерде маалымат базаларын жүргүзүүгө жана бүтүндөй өлкө боюнча санариптик экономиканы өнүктүрүүгө багытталат.
Ошондой эле бюджеттик колдоо электрондук башкарууну, ачык-айкындуулукту жана отчеттуулукту өнүктүрүү үчүн Европа Биримдигине мүчө мамлекеттердин жардамы менен мамлекеттик органдар үчүн окутуу программалары менен коштолот.
Белгилей кетсек өлкөнүн ичинде жеткиликтүү санариптик трансформация, анын ичинде жогорку ылдамдыктагы интернет КР министрлер кабинети менен Европа Биримдигинин ортосундагы кызматташуунун негизги артыкчылыктарынын бири.

Бөлүшүү:
Next Post

“Реал Мадрид” клубу Испаниянын Суперкубогунун финалына чыкты

Планетанын эң титулдуу футбол клубу “Реал Мадрид” Испания Суперкубогунун жарым финалында жеңишке жетти. Ал эми үчүнчү жолу катары менен бул турнирдин чечүүчү беттешинде ойноо укугун алды. Суперкубоктун финалына чыгуу үчүн Карло Анчелоттинин командасы Атлетико Мадриддеги мекендештерин 5:3 эсебинде утуп алды. Оюндун негизги убактысы 3:3 эсебинде тең чыгуу менен аяктагандыктан, беттештин […]

Сизге жагышы мүмкүн