Европа лидерлери Украина жана Молдованы Евробиримдикке мүчө болуу боюнча сүйлөшүүлөрдү баштоону, Грузияга талапкер статусун берүүнү чечишти.
Мындай чечимди Еврокеңештин президенти Шарль Мишель журналисттерге билдирди.
Украинанын президенти Владимир Зеленский Брюсселдеги саммитте кабыл алынган чечимди өлкөсү жана Европа үчүн “жеңиш” деп атады.
“Бул Украинанын жеңиши. Бүткүл Европа үчүн жеңиш. Мотивация берген, шыктандырган жана күчтөндүргөн жеңиш»,-деп жазган Зеленский X социалдык тармагындагы постунда.
Молдованын президенти Майя Санду бул чечим бүткүл өлкөгө кубаныч алып келгенин X аркылуу билдирди.
Украина менен Молдова Евробиримдикке кошулуу арызын Россия 2022-жылдын февралында Украинага толук масштабдуу операциясынан кийин беришкен.
