Кыргызстандын эркин күрөш боюнча улуттук курама команданын мүчөсү Тайырбек Жумашбек уулу Белград (Сербия) шаарында өтүп жаткан Дүйнө чемпионатында коло байгеге ээ болду.
Спортчу 61 кг салмак даражасында беттешип, алгач Азербайжандык балбынды 5:0 эсебинде, чейрек финалда Түркиялык балбанды 4:2 эсебинде утуп жарым финалга жолдомо алган.
Ал эми жарым финалда АКШ балбаны Виталий Аруджау менен күч сынашып жеңилген.
Коло байге үчүн күрөштө Тайырбек Жумашбек уулу Жапониялык балбанды 2:1 эсебинде жеңип, 3-орунду ээледи.
Бул медаль Кыргызстан үчүн Сербияда өткөн турнирде биринчи медаль болду.
