Дүйнөлүк Банк Камбар-Ата ГЭСи үчүн дагы 200 млн доллар каражат бөлдү. Ал гранттык каражат Камбар-Ата-1 (КА-1) ГЭСинин техникалык экономикалык негиздемесин жаңылап, иштеп чыгууга жумшалат. Энергетика министри Таалайбек Ибраев билдиргендей, Дүйнөлүк Банк 2014-жылы да 200 млн доллар бөлгөн.
Эскерте кетүүчү жагдай, аталган гранттык каражат Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында каралып, анда депутат Адахан Мадумаров Кыргызстанга келген каражаттар максатсыз пайдаланылып жаткандыгын айтып, каршылыгын билдирген эле.
