АКШда тарыхта биринчи жолу дарыгерлер адамдын көзүн толугу менен алмаштыруу операциясын жасашты. Бул тууралуу Нью-Йорк университетинин медициналык борбору кабарлады.
“Нью-Йорк университетинин Лангоне медициналык борборундагы хирургдар тобу дүйнөдө биринчи жолу бүт көздү жана беттин бир бөлүгүн трансплантациялоо операциясын жасашты”,-деп айтылат Рейтерс агенттигинин маалыматында.
27-майда болуп, 21 саатка созулган уникалдуу операцияга 140тан ашык хирург жана фельдшер тартылган.
Азырынча бейтап жаңы көз менен көрө алабы же жокпу белгисиз, бирок, дарыгерлер трансплантацияланган орган жакшы белгилерди көрсөтүп жатканын айтышууда. Эксперттердин айтымында, операция көздү дарылоодо келечекте жаңы мүмкүнчүлүктөрдү ачат.