Лос-Анджелес Лейкерс командасынын мурдагы баскетболчусу жана НБАнын беш жолку чемпиону Мэжик Джонсон бир миллиард доллар тапкан дүйнөдөгү төртүнчү спортчу болуп калды.
Жонсон тизмеге 64 жашында кирген. Ага чейин эки гана баскетболчу – Майкл Джордан менен Леброн Жеймс, ошондой эле гольф оюнчусу Тайгер Вудс спортчулар арасында мындай сумманы тапкан.
Forbes журналынын маалыматы боюнча, учурда Жонсондун байлыгы 1,2 миллиард долларга бааланууда.
Атактуу баскетболчу карьерасын аяктагандан кийин бир нече спорттун клубдарынын акцияларынын ээси болгон: Washington Commanders (америкалык футбол), Los Angeles (футбол), Los Angeles Dodgers (бейсбол) жана Los Angeles Sparks (аялдар баскетболу).