Эл аралык футбол федерациясы (ФИФА) 2026-жылдагы дүйнө чемпионатына оюнчуларды жөнөтүү үчүн клубдарга болжол менен 370 миллион доллар төлөп берет. Бул тууралуу спорт журналист Роб Харрис Твиттерде билдирди.
Клубдар 2022-жылы Катарда өтүүчү дүйнөлүк чемпионатка караганда болжол менен 75% көбүрөөк алышат. Ошондой эле Европалык клубдар ассоциациясы 32 команда катышкан клубдар арасындагы дүйнөлүк чемпионаттын жаңы форматына каршылыгын токтотуп, ФИФА менен коммерциялык укуктарды сатуу боюнча сүйлөшүүлөрдү жүргүзүп жатканы белгиленген.
2026-жылдагы дүйнө чемпионаты АКШ, Канада жана Мексикада өтөт жана биринчилерден болуп 48 команда катышат.
