Догдуркүл Кендирбаева билим берүү министри болуп дайындалды. Бул тууралуу бүгүн, 6-октябрда президенттин басма сөз кызматы билдирди.
Маалыматка ылайык, президент Садыр Жапаров кол койгон жарлыкка ылайык, КР Конституциясынын 70-беренесинин 1-бөлүгүнүн 2-пунктуна, 71-беренесинин негизинде Кендирбаева Догдуркүл Шаршеевна мурда жүктөлгөн милдеттеринен бошотулуп, КР билим берүү жана илим министри болуп дайындалды.
Эске салсак, кечээ 5-октябрда Жогорку Кеңеш Догдуркүл Кендирбаеванын талапкерлигин жактырган. Аны каттодон өткөн 75 депутат бир добуштан колдоп берген.
