Жогорку Кеңештин депутаты Жусупбек Коргонбай уулу көтөрүп чыккан Оштогу М.Ломоносов мектебинин директору убактылуу кызмат ордунан четтетилди.
Депутат мектеп директору Динара Алмаматова 9-класстын окуучусу Ахмат кызы Даткайымды туура эмес форма кийгенсиң деп сүйрөп чыгып, коридордо уруптур деген билдирүүсүн тараткан. Ошол эле күнү Ош шаарынын вице-мэри жана Ош шаардык билим берүү бөлүмүнүн жетекчиси мектепте жыйын куруп, аталган инцидент боюнча тергөө иши жыйынтыкталганга чейин директорду кызмат ордунан убактылуу бошотушту.
Орхан Инандыга паспорт бергендер акталышты
“Сапат” билим берүү мекемесинин мурдагы президенти Орхан Инанды баш болгон 11 түрк жаранына паспорт беришкен 3 чиновник көп жылдык соттук териштирүүдөн кийин акталышты. Алар ошол кездеги президенттик администрациянын башчысы Фарид Ниязов, УКМК төрагасы Бусурманкул Табалдиев жана президенттин алдындагы жарандык берүү боюнча комиссиянын катчысы Эрнис Апилов. Орхан Инанды кыргыз жарандыгын 2012-жылы […]
