Дзюдо боюнча жаштар арасында Кыргызстандын чемпионаты өтөт. Бул тууралуу Дене тарбия жана спорт департаменти билдирди.
Маалыматка ылайык, биринчилик 10-11-февраль күндөрү Кыргыз-Түрк “Манас” университетинин спорт комплексинде өтөт. Мелдешке республиканын бардык аймактарынан келген спортчулар катышат.
Жеңүүчүлөргө тиешелүү даражадагы диплом жана медалдар тапшырылат.
Катышуучулар төмөнкү салмак категорияларында күч сынашат:
кыздар арасында — 48, 52, 57 63, 70, 78, +78 кг;
балдар арасында — 60, 66, 73, 81, 90, 100, +100 кг.
