Кыргызстанда да бетти жапкан кийим кийүүгө тыюу салыш керек. Бул тууралуу бүгүн, 7-сентябрдагы парламенттин жалпы отурумунда Шарапаткан Мажитова билдирди.
«Өзбекстанда мыйзам кирди. Ошол бизге да керек. Жоолук салынсын, бирок бетин чүмкөгөн кооптуу. Ошол үчүн ушул боюнча тапшырма берип, мамлекеттик чара көрүлүшү керек», — деди ал.
Өзбекстанда коомдук жайларда бетти жапкан же бетинен таанууга оор болгон кийимди кийүүгө тыюу салуу каралган мыйзам кабыл алынган.
