“Ынтымак” фракциясынын лидери Марлен Маматалиев талаш – тартыш жаралып жаткан туунун өзгөрүшү боюнча пикирин билдирди.
Ал мындай дейт:
“Кайсы мыйзам болбосун, ал 3 окууда өтөт. Эми, ачыгын айтып коюшум керек, желектин маселеси парламентке келгенде авторлор “1-окуудан өткөрүп бергиле” деп суранды. Биз да макул дедик. Бирок, алар 2-окууга келгичекти элдер менен кеңешип, илимпоздор менен тегерек үстөлдөрдү өткөрүшү керек эле. Алгач, өзүбүз “парламент эмне үчүн желекти алмаштырып жатабыз”, – деген чоң суроого жооп беришибиз зарыл болуп турат. Авторлор желек күн карамага окшош деген аргументин сунуштап жатышат. Бирок, биз аны эмне кылсак деле бүгүн өзгөртүү талабы жок.
Маселен, жер шарында 8 млрд адам жашайт. Анын 30 өлкөсү гана же, көчмөн же, түрк тилдүү элдер же, КМШ мамлекеттери. Алардын жалпы саны 300 млн. Алар биздин желекти көрүп, ичинде түндүк бар экенин ансыз деле билишет. Калган 7 млрд 700 млн адам биздин желекти өзгөртсөңүз да, өзгөртпөсөңүз да алар үчүн баары бир. Анткени, аларда көчмөн, боз үй же, түндүк болгон эмес, андай түшүнүктөрү да жок”,- дейт депутат.
