23-24-ноябрь күндөрү Бишкек шаарында социалдык маанилүү азык-түлүк продукциясы жана керектелүүчү товарлардын жарманкеси өтөт. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Жарманкенин максаты ата мекендик өндүрүшчүлөрдү, агроөнөр жай ишканаларын жана жеке ишкерлерди колдоо менен бирге айыл чарба продукцияларын шаар тургундарына дүң баада сатуу болуп саналат.
Өндүрүлгөн айыл чарба азыктарын жана кайра иштетилген продукцияны сатууну каалаган жеке ишкерлерди жарманкеге чакырабыз. Ошондой эле министрлик Кыргызстандын баардык фермер-дыйкандардын продукциясын сатууга шарт түзүп берет.
Белгилей кетсек, жарманке ар жуманы дем алыш күндөрү өткөрүлүп турушу максатталууда.
Жарманке Бишкек шаарынын Н.Жетикашкаева жана А.Токомбаев көчөлөрү (12 кичирайону), Түгөлбай-Ата көчөсү, Эркиндик жана К. Тыныстанов (ЖД Вокзал) көчөлөрүнүн кесилиштеринде өтөт.
Суроолор боюнча Министрликтин кызматкерине байланышсаныздар болот: 0702 702 000.
Жашообузду жакшы адамдар жаңыртып турат
Жакшы адамдар жарыкты таратып, караңгылыктан чыккан күндүн ысыгына окшош. Бүткүл дүйнө сиздин ийгиликсиздиктериңизге күлсө, алар сизди жылуу сөздөр, кубаныч менен жылытат. Ооба, жакшы адамдар эң сонун тагдырга туш болушат. Адам өз иш-аракетинде боорукердикти, жана адилеттүүлүктү көрсөтсө, бул адатта ага жашоодо жакшылык алып келет. Жакшы иш-аракеттер айланабыздагы адамдардын колдоосун жана жардамын […]
