Конгресстин Өкүлдөр палатасындагы 25 демократ АКШнын президенти Жо Байденге шайлоо жарышынан чыгуу чакырыгы менен кайрылганы жатышат. Бул тууралуу Reuters агенттиги билдирди.
«Өкүлдөр палатасынын демократтары Байденди артка чегинүүгө чакырганы жатышат»,-деп айтылат билдирүүдө. Башка булактын айтымында, кээ бир демократ конгрессмендер Байденге кат жөнөтүүнү карап жатышат.
Байден менен АКШнын экс-президенти Дональд Трамптын дебаттары 28-июнга караган түнү өттү.
Батыш басылмаларынын байкоочулары дебаттарды учурдагы мамлекет башчысы үчүн «катастрофа» катары баалашты. Вице-президент Камала Харрис америкалыктарды саясатчынын сөздөрүнө эмес, өлкө үчүн жасаган иштерине көңүл бурууга чакырды.
Бүгүнкү доллардын курсу
Бүгүн, 3-июль саат 09:00гө карата Кыргызстандын коммерциялык банктарда жана акча алмаштыруучу жайларда 1 долларды сатып алуу 86 сом 20 тыйындан болсо, сатуу 87 сом 10 тыйынга чейин болууда. Ал эми Улуттук банкта 1 доллардын курсу 86 сом 12 тыйын деп көрсөтүлгөн Бөлүшүү:
