Косметолог Рошан Равиндран “Аль-Наср” клубун жана Португалия курама командасынын чабуулчусу Криштиану Роналдуну сотко берди. Бул тууралуу «Чемпионат» басылмасы жар салды.
Маалыматка ылайык, Равиндран Роналду 40 миң фунт стерлинг төлөбөгөнүн билдирген. Дарыгер футболчуга жана анын үй-бүлөсүнө Роналду дагы эле “Манчестер Юнайтед” клубунда ойноп жүргөндө Чеширдеги клиникасында кызмат көрсөткөн. Рошандын адистиктерине ботокс, толуктоо, териге кам көрүү жана көтөрүү кирет.
Эске салсак, 2023-жылдын январынан бери Криштиану Роналду “Аль-Наср” клубу үчүн ойноп келет. Бул сезондо 39 жаштагы португалиялык футболчу команданын курамында 16 беттеш өткөрүп, анда 11 гол киргизип, 3 пас берген.
«Электрондук эмгек китепчеси» модулу иштелип чыкты
Санариптик өнүктүрүү министрлиги е-Kyzmat автоматташтырылган маалыматтык тутумунун бир бөлүгү болгон «Электрондук эмгек китепчеси» (ЭЭК) модулун иштеп чыкты. Бул долбоор жарандардын эмгек ишмердүүлүгүн эсепке алууну жөнөкөйлөтүү, кызматкерлердин эмгек жана кызматтык таржымалына ыңгайлуу жетүү мүмкүнчүлүгүн камсыз кылуу жана кагаз түрүндөгү эмгек китепчелерин колдонуу зарылдыгын жоюуга багытталган. 2024-жылдын 28-мартында модулдун техникалык тапшырмасы Мамлекеттик […]
