Грузиянын премьер-министри Ираклий Кобахидзе, эгер президент Саломе Зурабишвили 29-декабрда өз ыйгарым укуктары токтогондон кийин мамлекет башчынын резиденциясын бошотпосо, ага каршы кылмыш иши козголушу мүмкүн экенин билдирди.
Кобахидзе 72 жаштагы Зурабишвилини эч ким түрмөгө камагысы келбей турганын белгиледи. Бирок ал резиденцияда калууну чечсе, ошол жерде болгондорду камакка алуу коркунучуна кептеши мүмкүн. Премьер-министр президент акылга келип, өзүнүн тарапташтарын мыйзамдарды бузууга бардырбайт деп ишенерин айтты.
Грузиянын оппозициясы жана Зурабишвили 26-октябрда өткөн парламенттик шайлоонун жыйынтыктарын тааныган эмес. 4-ноябрдан бери өлкөдө нааразылык акциялары өтүп жатат.
14-декабрда Грузияда президенттик шайлоо өткөн. Ага жалгыз талапкер, мурдагы футболчу Михаил Кавелашвили катышкан.
Бүгүн ЖОЖдорго кышкы кабыл алуу башталды
Бүгүн, 23-декабрда ЖОЖдорго кышкы кабыл алуунун биринчи этабы башталды. Бул тууралуу Билим берүү жана илим министрлиги билдирди. Маалыматка ылайык, кабыл алуу 28-декабрга чейин уланат. Бул мезгилде абитуриенттер каттоодон өтүшөт, андан кийин окууга сунушталгандардын тизмеси илинет жана болочок студенттер университетте окууну каалагандыгын ырасташы керек. Ушундай эле процедуралар менен экинчи тур 13-18-январь […]
