Казакстандык легендарлуу боксчу Геннадий Головкин (42-2-1, 37 КО) ушул убакка чейин Эл аралык бокс уюмундагы (IBO) жалгыз куру болгон орто салмактагы титулунан расмий түрдө баш тартты. Бул тууралуу Эл аралык бокс уюму билдирди. IBO президенти Эд Левин орто салмактагы титул азыр бош экенин жарыялады.
Эске салсак, буга чейин 40 жаштагы казакстандык милдеттүү талапкер бразилиялык Эскива Фалькао менен беттешүүнү каалабагандыктан IBF титулунан ажыраган. Анда GGG милдеттүү атаандашы кубалык Эрисланди Лара менен беттешүүдөн баш тартып, WBA Super курунан ажыраган.
