Россия Федерациясынын президентинин басма сөз катчысы Дмитрий Песков өлкө башчысы Владимир Путиндин Кыргызстанга келерин тастыктады. Бул тууралуу РИА Новости маалымат агенттиги жазды.
Маалыматка ылайык, Путин Беларусь президенти Александр Лукашенко менен 15-октябрда Кыргызстанда жолугушат.
Буга чейин Беларусь президенти Орусиянын президенти менен телефондон сүйлөшкөнүн, жолугушуу болорун билдирген.
«Биз президент чындап эле ушундай сапарды пландаштырып жатканын, ал жерде жолугушуу болоорун ырастай алабыз», — деген Песков.
