Бүгүн, 10-ноябрда Түркия Республикасынын негиздѳѳчүсү жана биринчи президенти Мустафа Кемал Ататүрктүн дүйнѳдѳн кайткан күнү.
Ошондон бери жыл сайын 10-ноябрда саат 9:50дө (өлгөнүнүн так убактысы) бир мүнөт унчукпай туруу жарыяланып келет. Автоунаалар, автобустар, поезддер, кемелер бир саамга токтоп, ал тургай учактар да учуп кетүүсүн кийинкиге калтырышат.
Ататүрктүн тарыхый ролу бир гана ал кыйраган империянын элин бириктиргенинде эмес, эң кыска мөөнөттө башкаруунун көптөгөн тармактарында масштабдуу реформаларды жүргүзгөн, борбор шаарды Стамбулдан Анкарага көчүргөн , аялдардын укуктарын эркектер менен теңдештирип, аларга добуш берүү укугун берүү менен бирге, согуштун жана өлкөдөгү эң терең саясий кризистин шарттарында Түркиянын ушунчалык тең салмактуу системасы бар мамлекетти кура алган.