Ош шаарында XVI эл аралык “Айтыш-2023” кыргыз-казак төкмө акындарынын кош байге айтышы өтөт. Иш-чара Кыргызстандын Эгемендүүлүк күнүнө жана алгачкы агартуучу, жазгыч акын, ойчул, тарыхчы Молдо Нияз Эрназар уулунун 200 жылдыгына арналган.
Маданият, маалымат, спорт жана жаштар саясаты министрлигинен билдиришкендей, айтышты расмий ачылышы жана биринчи күнү бүгүн, 30-августта С. Ибраимов атындагы Ош улуттук драма театрында өтөт. Башталышы саат 18:00.
