Бүгүн, 21-сентябрда Сербиядагы күрөш боюнча дүйнө чемпионатында грек-рим күрөшү боюнча кыргызстандык эки балбан күрөшөт.
77 кг салмакта Акжол Махмудов килем үстүнө чыгат. Ал 1/16 финалдагы алгачкы кармашында норвегиялык балбан Пьер Куре менен кез келет.
Ошондой эле 82 кг салмакта Бексултан Назарбаев күрөшөт. Ал бейтарап туунун алдында чыгып жаткан Ауэс Гонибов менен күч сынашат.
Сербиядагы дүйнө чемпионаты 16-сентябрда башталган, ал 24-сентябрда жыйынтыкталат.
