Бишкекте “Агро-Диалог-2025” аталышындагы агроөнөр жай форуму өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, форумда республиканын бардык дыйкан-фермерлери айыл чарба тармагынын ар бир багыты боюнча ийгилик жараткандар жана ишкерлер менен баарлашып, мыктылар өз тажрыйбасын ортого салышат.
Талкуунун жыйынтыгында агроөнөр жай тармагында өнөктөштөрдү табууга өбөлгө түзүлүп, ишкерлер бизнесин өнүктүрүүгө жана өз продукциясын сыртка экспорттоого мүмкүнчүлүктөр жаралат.
28-январда өсүмдүк өстүрүү, 29-январь күнү мал чарбасы, 30-январда кайра иштетүү жана экспорт багытында кызыктуу талкуу болот. Ал эми 31-январда форумдун жыйынтыктоочу бөлүгү уюштурулат.
“Иш-чара К.И. Скрябин атындагы Кыргыз улуттук агрардык университетинде өтөт. Башталышы саат 10:00дө. Ал эми жыйынтыктоочу бөлүгү А.Малдыбаев атындагы Улуттук опера жана балет театрында болот”, – деп айтылат маалыматта.
Байланыш номерлери: (0709)-144-938, (0770)-850-015, (0990)-559-082.
Израил бийлиги: ХАМАС бошотууга убада берген 33 туткундун 25и гана тирүү
Газа секторунда ок атышууну токтотуу жөнүндө макулдашуунун биринчи этабында палестиналык ХАМАС тобу бошотушу керек болгон 33 туткундун сегизи көз жумган. Бул тууралуу маалыматтарды Израил бийлиги тастыктады. Өлкө өкмөтүнүн өкүлү Давид Менцердин айтымында, каза болгон туткундардын үй-бүлөлөрүнө бул тууралуу кабар берилди. Макулдашуунун алкагында ХАМАС каза болгондордун сөөгүн Израилге өткөрүп берет. Израил […]
