Бүгүн, 2-декабрдан тарта Бишкекте коомдук муниципалдык транспорттун айдоочуларына накталай акча чогултуу планы жокко чыгарылат.
Муниципалитеттен билдиришкендей, мындай чара шаар мэри Айбек Жунушалиевдин тапшырмасын аткаруу максатында ишке ашырылууда.
“Борбор калаанын жолдорундагы абал боюнча маалыматтарды иштеп чыгуу үчүн мэриянын кырдаал борбору аркылуу автобустарга орнотулган жүргүнчүлөрдү эсептөө системасы аркылуу накталай төлөмдөрдү көзөмөлдөө иштери күчөтүлөт. Эгерде иш жүзүндөгү төлөм менен салыштырганда каражаттын жетишсиздиги аныкталса, айдоочуларга Кыргыз Республикасынын мыйзамдарынын чегинде чара көрүлөт”, – деп эскертет мэриядан.
Бишкек шаарынын муниципалдык коомдук транспортунда жол кире акысын накталай эмес төлөм системасы иштеп жатат. Коомдук транспорттун тарифтери:
– автобуста – 17 сом;
– кичи автобустарда – 20 сом;
– валидаторлор орнотулган автобустарда, жол кире акысын накталай төлөгөндө – 20 сом.
Жапондордун Кыргыздар жөнүндөгү анекдоту
“Мындай анекдот бар. Кыргыздар менен Жапондор бир тууган элдерден болушкан. Алардын ичинен балыкты жакшы көргөндөр Жапонияга кетишкен. Этти жакшы көргөндөр Ала-Тоодо калышкан. Мына ошондуктан да, мага Кыргызстанда иштөө өтө жеңил”,- деген БУУнун Дүйнөлүк азык-түлүк программасынын (БУУ ДАТП) өкүлү Кожиро Накай. Мындан улам ал Кыргызстан менен ар тараптуу кызматташууга даяр экендиктерин […]
