Республиканын билим берүү мекемелеринде “Бир окуучу — бир көчөт” акциясы өтүүдө. Бул тууралуу Билим берүү жана илим министрлигинен билдиришти.
Маалыматка ылайык, иш-чара “Жашыл мурас” улуттук өнөктүгүнүн алкагында айлана-чөйрөнү көрктөндүрүү жана жашылдандыруу максатында үстүбүздөгү жылдын март айында башталган.
Акцияга ата-энелер, окуучулар жана мугалимдер катышып, билим берүү мекемелеринин айланасына жаш көчөттөрдү отургузууда. Жашылдандыруу иштери сабактан кийин жүргүзүлүүдө.
Сүрөттө: Сокулук райондук жалпы билим берүү мекемелеринин окуучулары.
