Бүгүн, 12-октябрда Кыргызстандын футбол боюнча улуттук курамасы Бахрейнге каршы жолдоштук беттеш өткөрөт. Бул туурасында Кыргыз футбол союзу билдирди.
Маалыматка ылайык, оюн Бишкек убактысы боюнча саат 22:00до «Аль-Муккарак» стадионунда (Манама ш., Бахрейн) орун алат.
Эске салсак, Тарковичтин командасы 8-октябрдан тарта Бахрейнде окуу-машыгуу жыйынын өткөрүп келе жатат. Аталган жыйын кураманын 2026 Дүйнө Чемпионатына жана 2023 Азия Кубогуна болгон даярдыктын алкагында орун алууда.
