Каржылык мыйзам бузууларга байланыштуу 30 кылмыш иши козголуп, учурда тергелип жатканын Эсеп палатасы билдирди. 2022-жылы бюджеттик мекемелер 46 млрд 101,7 млн сомду туура эмес жумшаган.
Маалыматта айтылгандай, 1 666 түзүмдүк жана ведомстволук бөлүмдөр текшерүүгө алынып, 404 каржылык тартип бузуулар аныкталган. Мындан улам 15 млрд 544,3 млн сом казынага кайтарылууга тийиш дейт Эсеп палатасы. Учурда анын 7 млрд 174,8 млн сому кайтарылды.
Эсеп палатасы тарабынан укук коргоо органдарына 14,9 млрд сом, 84 миң доллар жана 927,5 миң евро өлчөмүндө аудиттин 89 материалы жөнөтүлүп, 30 кылмыш иш козголду.
