2024-жылдагы ажылыкты уюштуруу штабынын төрагасы Самидин кары Атабаев баш болгон Муфтияттын айрым кызматкерлери Сауд Арабия Падышачылыгынын ажылык министрлигинин алдындагы ажылыкты уюштуруу башкы башкармалыгынын директору Бадир Ал-Сулами менен жолугушуп кайтышты.
Белгилүү болгондой, быйылкы жылы Кыргыз жарандары үчүн 6060 квота бөлүндү. Бадир Ал-Сулами “2024-жылы ыйык Мина, Арафат жана Муздалифа өрөөндөрүн тейлөөдө 17 мекеме (муассаса) иш алып барат”,-деген.
«Быйыл расмий 6060 квота берилди. Буюрса Кыргызстан мусулмандарынын Азирети Муфтийи Замир кары Ракиев менен макулдашып, кошумча дагы квота сурап жатабыз. Эң негизгиси ажылыкка жакшы даярдык көрүүнүн аракетинде бир катар жолугушууларды өткөрүүдөбүз»,-делет муфтият тараткан маалыматта.
