Кыргызстан 2024-жылы тышкы карызды төлөөгө 400 млн доллар жумшайт. Бул тууралуу министрлер кабинетинин төрагасы Акылбек Жапаров Ош шаарына иш сапары менен барган учурда билдирди.
Анын айтымында, акыркы 3 жылда өлкөнүн консолидацияланган бюджети 329,2 млрд сомго өстү. Финансы министрлигинин маалыматына караганда, 2023-жылы профицит 13,5 млрд сомду түзгөн.
“Мындай профицит биздин тарыхыбыздагы эң чоң сумма. Келерки жылы 600 млрд сомдон ашык бюджетке жетишүүнү пландап жатабыз. Бул үчүн мамлекет айына 58 млрд сом, күнүнө 1,9 млрд сом, саатына 80 млн сом киреше алышы керек. Биз тышкы карыз боюнча төлөмдөрдүн туу чокусунда турабыз.
Ири суммалар 2030-жылга чейин төлөнөт: 2023-жылы – 344 млн, 2024-жылы – 400 млн, 2025-жылы – 430 млн, 2026-жылы – 390 млн доллар. Биз баарыбыз “Кыргызстан” деген бир кайыктабыз, андыктан ар бир адамдын эмгеги, салымы керек. Биз бир команда болуп иштешибиз керек”, – деди Акылбек Жапаров.
Шайлоо алдындагы жардырууларда 20дан ашуун адам көз жумду
Пакистандын Белужистан аймагында Улуттук ассамблеяга (парламенттин төмөнкү палатасы) жалпы шайлоонун алдында эки жардыруу болду. Окуяда 22 адам өлүп, ондогон адамдар жарадар болгон. Биринчи жардыруу Кветтадан 50 чакырым жана афган чек арасынан 100 чакырым түштүк-чыгышта жайгашкан Пишина шаарында көз карандысыз талапкер Асфанд Хан Какардын кеңсесинде болгон. Жардыруудан 14 адам каза болуп, […]
