БУУнун баш катчысы Антониу Гутерриш дүйнөдө «өзөктүк куралга орун болбошу керек» деп билдирди. БУУнун баш катчысы анын бар экендигин «биринчи акылсыздык», ал эми экинчиси, акыркы он жыл ичинде адамзат анын жок кылуу жолуна жакындабаганы деп атады. Антониу Гутерриш Россия менен АКШны өзөктүк арсеналдарды кыскартуу процессине кайтууга чакырды. Ал эми башка өлкөлөрдү алардан үлгү алууга чакырды.
Гутерриштин айтымында, «кансыз согуш» аяктагандан бери өзөктүк куралдын бар болушу «азыркыдай караңгы көлөкө түшүргөн эмес». «Өзөктүк куралга ээ мамлекеттер куралсыздануу чараларына каршылык көрсөтүүнү улантууда. Алар адамзаттын келечеги менен оюндарын ойногонун токтотушу керек»,-деди ал БУУнун Башкы Ассамблеясынын сессиясынын алкагында өткөрүлгөн өзөктүк куралды толук жоюу үчүн күрөшүү боюнча пленардык жыйында.
2024-жылга карата Стокгольмдогу тынчтык көйгөйлөрүн изилдөө боюнча эл аралык институттун эксперттеринин баалоосуна ылайык, АКШнын арсеналы 5044 өзөктүк ок-дарыдан, Россияныкы 5580ден турат. Ядролук куралды жайылтпоо боюнча келишимдин 6-беренесине ылайык, расмий түрдө таанылган өзөктүк державалар өз запастарын кыскартууга тийиш. Учурда бул келишимге 191 мамлекет мүчө. Анын ичинде БУУнун Коопсуздук Кеңешинин 5 туруктуу мүчөсү (Россия, АКШ, Кытай, Улуу Британия жана Франция) бар. Өзөктүк куралга ээ болгон мамлекеттердин ичинен Индия, Пакистан жана Израиль бул келишимди ратификациялаган эмес. Ал эми Түндүк Корея 2003-жылы келишимден чыккан.
Алмамбет Сариев эки айга камалды
Сооронбай Жээнбеков бийликте турганда президенттин аппаратынын жетекчисинин орун басары болгон Алмамбет Салиев УКМК тарабынан кармалды. Бул тууралуу Бишкектин Биринчи май райондук сотунан билдиришти. Маалыматка ылайык, Алмамбет Салиевге КР Кылмыш-жаза кодексинин “Кызматтык абалынан кыянаттык менен пайдалануу” беренеси боюнча айып тагылууда. Сот УКМКнын тергөөчүсүнүн камакка алуу түрүндөгү баш коргоо чарасын колдонуу өтүнүчүн […]
