Бразилиянын президенти Луис Инасиу Лула да Силва Улуу Ата Мекендик согуштагы Жеңиштин 80 жылдыгына арналган Москвадагы салтанаттуу иш-чараларга катыша турганын тастыктады. Ал бул чакырууну Россия президенти Владимир Путин менен телефон аркылуу сүйлөшүү учурунда алган.
Президент Лула 9-майда Экинчи дүйнөлүк согуштагы Жеңиштин 80 жылдыгын майрамдоого Москвага чакыргандыгы үчүн Россияга ыраазычылык билдирди жана иш-чарага катышууга ниеттенерин айткан.
Бразилия тараптын демилгеси менен болгон телефондук сүйлөшүү 27-январда өткөн. Мамлекет башчылары Украинадагы жаңжалды жөнгө салуу маселесин талкуулашты жана дүйнөдөгү учурдагы кырдаал боюнча, анын ичинде АКШнын жаңы администрациясынын бийликке келиши тууралуу пикир алмашышты.
Бүгүн Бишкекте агроөнөр жай форуму өтөт
Бишкекте “Агро-Диалог-2025” аталышындагы агроөнөр жай форуму өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. Маалыматка ылайык, форумда республиканын бардык дыйкан-фермерлери айыл чарба тармагынын ар бир багыты боюнча ийгилик жараткандар жана ишкерлер менен баарлашып, мыктылар өз тажрыйбасын ортого салышат. Талкуунун жыйынтыгында агроөнөр жай тармагында өнөктөштөрдү […]
