Бразилиянын депутаттар палатасы (өлкө конгрессинин төмөнкү палатасы) Король Пеле күнүн белгилөө боюнча мыйзам долбоорун жактырды.
Майрам футбол боюнча дүйнөнүн үч жолку чемпиону Пелеге арналып, 19-ноябрда өлкөнүн бардык аймагында белгилөө сунушталууда. 1969-жылы дал ушул күнү бразилиялык футболчу карьерасында миңинчи голун киргизген. Эми мыйзам долбоорунун тексти бекитүү үчүн Сенатка жөнөтүлөт.
Апрель айында Пеленин ысымы португал сөздүгүнө киргизилген. Ал «мыкты» деген сөздүн синоними катары киргизилген.
Эске салсак, Пеле өткөн жылдын 29-декабрында 82 жашында органы иштебей каза болгон. Бразилиялык футболчу дүйнөнүн үч жолку чемпиону. Ал “Сантостун” курамында 18 жыл ойноп, команда менен 6 жолу Бразилиянын чемпиону болгон. 1999-жылы Эл аралык Олимпиада комитети форвардды Кылымдын спортчусу деп тааныган.
