Коомдук жайларда жардыргыч заттар коюлганы тууралуу жалган маалымат берип, анонимдүү телефон чалган адамдардын тобу аныкталып, кармалды. Бул тууралуу Улуттук коопсуздук боюнча мамлекеттик комитети билдирди.
Маалыматка ылайык, 16-17 жаштагы уландар Ж.Д.А., М.М.У. Д.Д.Б. жана К.А.А. аттуу жарандар 30-ноябрда жана 18-декабрда Бишкек шаарындагы орто жана жеке менчик мектептерге бомба коюлганын билдиришкен. Чалуулар чет элдик абонент аркылуу келип түшкөн.
Маалыматта аталган жарандар бул кылмышты бейбаштык мүнөздө, окуу процессин үзгүлтүккө учуратуу максатында жасашканы аныкталганы жазылган.