Кыргызстандын бокс боюнча курама командасынын мүчөсү Мунарбек Сейитбек уулу Өзбекстандын Ташкент шаарында өтүп жаткан дүйнө чемпионатынын жарым финалына чыкты. Бул тууралуу Дене тарбия жана спорт департаментинен билдиришти.
Маалыматка ылайык, спортчу 57 кг салмак категориясында күч сынашууда.
Мунарбек Сейитбек уулу 1/32 финалдан баштап, алгач пуэрто-рикалык спортчуну жеңген. Андан кийин таиланддык мушкерди, чейрек финалда мексикалык спортчуну утту.
Белгилей кетсек, Мунарбек эртең, 12-майда жарым финалда өзбекстандык спортчу менен күч сынашат.
