АКШнын мамлекеттик катчысы Энтони Блинкен Вашингтон менен Анкара Сириянын келечегине карата көз караштары боюнча кеңири макулдашууга жетишкенин билдирди.
“Биз алдыда турган мүмкүнчүлүктөргө жана Сирия элинин келечегине көңүл буруп жатабыз. Биздин максатыбыз – сириялыктарды Башар Асаддын чынжырынан бошотуу. Түркиянын президенти Эрдоган жана тышкы иштер министри Фидан менен болгон талкууларыбызда Сириянын келечеги боюнча пландарыбызды кеңири макулдашууга жетиштик”,-деди мамлекеттик катчы.
8-декабрда Сириядагы куралдуу оппозиция өкүлдөрү Дамаскта мамлекеттик телеканалдын кеңсесин басып алып, эфирден өлкөнү көзөмөлгө алышканын билдиришти. Россиянын Тышкы иштер министрлиги Сириянын президенти Башар Асад өлкөдөн чыгып кетүү чечимин кабыл алганын маалымдады.
Шашылыш билдирүү! Кыргызстанда туруксуз аба-ырайы күтүлөт
Кыргызстанда аба-ырайы кайрадан сууктап, кар жаашы күтүлөт. Өзгөчө кырдаалдар министрлигине караштуу Кыргызгидромет кызматынын билдирген маалыматына ылайык, 15-17-декабрда туруксуз аба ырайы күтүлөт. 15-декабрда күндүз жана 16-декабрда көпчүлүк аймактарда мезгил-мезгили менен кар жаашы, айрым жерлерде жаан-чачын катуу жаашы күтүлүүдө. Айрым жерлерге туман түшөт. Жолдор тоңголок жана тайгак болуп, тоолуу аймактарда кар күрткүсү […]
